HStAOrient5a: 40r

Ve Ebū ʿAlī İşārātda dėmişdür ki: Al‑balāhatu adnā l‑ḫalāṣi min faṭānatin // batrāʾ. İkinci qısmı şol nüfūs‑i cāhile ki meṭālib‑i ḥaqquñ ażdādından // ġayri nihādlarında bir şeyʾ mütemekkin olmamışdur. Ammā cehl‑i mezbūr keyfīyet‑i // rāsiḫa degüldür. iʿtiqādāt‑i ʿavāmm‑i muqallidīn gibi esbābdan bir sebeb // ile zāʾil olur. Bunlar taʿẕīb‑i dāʾim ile muʿaẕẕeb olmazlar. // Üçünci qısmı nüfūs‑i eşqıyādur ki āyīne‑i fikretlerinde umūr‑i nefs‑i // emrīyenüñ [!] naqāyıṣından ġayri nesne nümāyiş ėtmemişdür. Ve cehl‑i mezbūrları bir keyfīyet‑i rasiḥadur [!] ki izāleye qābilīyet yoqdur. Ulāʾika // llaḏīna ištarawu ḍ‑ḍalālata bi‑l‑hudā fa‑mā rabiḥat tiǧāratuhum wa‑mā kānū // muhtadīn. [El‑āyet.]

Qıṭʿa [müteqārib: v – – / v – – / v – – / v –]

Bu nükte bilinmez kināyātla
Bu ḥikmet ṭuyılmaz işārātla //
Açılmadı kimseye bu qapu
Ne miftāḥla ne fütūḥātla

[ʿİlm‑i heyʾet]

// ʿİlm‑i heyʾetüñ beyne l‑ʿulūm qadr[i] semā gibi berter ve mertebesi ṭāq‑i ʿarşa // berāberdür. Enẓār‑i daqīqa ve efkār‑i enīqa ṣāḥibleri bu ʿilm‑i şerīfe // māyil ve ʿulüvv‑i şānına qāʾildür ki şeref‑i ʿilm şeref‑i maʿlūm ḥasebi iledür. [Taʿrīfu l‑heyʾet]: // ʿİlm‑i heyʾet bir ʿilmdür ki ecrām‑i basīṭanuñ ʿulvīyesinüñ ve // süflīyesinüñ aḥvāli ve eşkāli ve evżāʿı ve maqāmları // ve ebʿādları anuñla maʿlūm olur. Mevżūʿ‑i ʿilm‑i heyʾet ecrām‑i // mezbūredür heyʾāt‑i meẕkūre ile. Ammā ʿilm‑i heyʾet gāh olur // berāhīni ile meẕkūr olur. Ol taqdīrce ʿilm‑i hendeseye mevqūf // olur. Kütüb‑i muḫtaṣarasından Mecesṭīsidür İmām‑i Ebherīnüñ.